ဖားကန့်မြို့နယ် ကျောက်စိမ်းမှော်တွင် ကျောက်ဖြူတစ်မျိုးဖြစ်သည့်မြိုင်စိန်ကျောက်မှာ ကျောက်စိမ်းဈေးကွက် အတွင်း အထူးရေပန်းစား အရောင်းသွက်လျှက်ရှိသည်။
ယခင်ကမြိုင်စိန်ကျောက်သည်တန်ဖိုးမရှိ ကျောက်စိမ်းတစ်မျိုးဖြစ်ကာ ရေမဆေးကျောက်ကောက်သမားများမှကျောက်လော ပန်းများအား ရောင်းချရာမှ ကျောက်စိမ်းဈေးကွက်တွင်း ရောင်းပန်းလှသည့် ကျောက်စိမ်းဖြစ်လာကာ တန်ဖိုးမြင့်တက် လာခြင်း ဖြစ်သည်။
မြိုင်စိန်ကျောက်စိမ်းသည် ဆွတ်အောင်ဆိုင်မှော်နှင့် မှော်မုံမှော်ကြားရှိ မြန်မာပြည်သူကုမ္ပဏီ၏ လုပ်ကွက်တွင် တူးဖော်ရရှိနေခြင်းဖြစ်သည်။
“အရင်က ဈေးကွက်မှာမရှိဘူး၊ ခု နောက်ပိုင်းမှာ ရေမဆေးသမားတွေက ကောက်ကောက်ပြီး ရောင်းစားလာတော့ ဈေးကရှိလာတယ်၊ ခုတော့ ဒီကျောက်က အရမ်းခေတ်စားနေတယ်၊ အင်မတန်မှ နာမည်ကြီးနေတယ်၊ဒီမှာတော့ ပေါ်ပြူလာဖြစ်နေတယ်’’ဟု ဖားကန့်ဒေသခံ ကျောက်လောပန်းတစ်ဦးက ဆိုသည်။
လက်ကောက်လွတ် တစ်ကွင်းထိုင် အရွယ်အစားလျှင် ကျပ် ၄ သောင်းမှ ၅ သောင်းထိ ရပြီး၊အချိန်တစ်ရာရှိလျှင်ကျပ်၁ဝ သိန်း အထက်ရှိကာ အချိန်တစ်ရာတွင်မူ လက်ကောက်ဝက် ၁ဝ ကွင်းအထက် လွတ်လျှင် သိန်း ၁ဝဝ အထိ ဈေးကွက်တွင် ဈေးရရှိ်နေကြောင်း သိရသည်။
အဆိုပါ မြိုင်စိန် ကျောက်စိမ်းအား အောက်မြန်မာပြည် မန္တလေး၊စစ်ကိုင်းတိုင်းဒေသကြီးများမှ ပန်းပုများ ထုလုပ်ရန် လာရောက် ဝယ်ယူမှုများလျှက်ရှိပြီး တရုတ်လောပန်းသူဌေးများမှလည်း လာရောက်ဝယ်ယူနေကြသည်။
မြိုင်စိန်ကျောက်စိမ်းမှာ အဖြူရောင်အဆင်းပြီး အချို့မူ စိန်ကဲ့သို့အကြည်အသန့်အဆင်းရှိသည်။ ထို ကျောက်အား ကချင်လို ပထော့ ဟု ခေါ်သည်။
“ရေခဲတုန်းလိုပါပဲ၊ ကြည်ဖွေးနေတာ၊ အဲ့ဒါကြောင့် သူများခေါ်တာမြိုင်စိန်၊စိန်လိုပဲ အရောင်က ”ဟု ၄င်း လောပန်းက ဆက်ပြောသည်။
မြန်မာပြည်သူကုမ္ပဏီ၏ လုပ်ကွက်တွင် တစ်နေ့တစ်နေ့လူ (၅ဝဝ) အထက်မနည်း ကျောက်တူးခြင်း၊ ဝယ်ယူခြင်း၊ လာရောက်ကြည့်ရှုသူများဖြင့် ပွဲတော်တစ်ခုကဲ့သို့စည်းကားနေကြောင်းကိုလည်း သိရှိသည်။
No comments:
Post a Comment
စာဖတ်သူများကွန်မန်.ပေးနိုင်ပါသည်။