အရှေ့ အာဖရိက မွေထိုင်းချန်ပီယံ ယူဂန္ဓာနိုင်ငံသား အူမာနှင့် ရွှေခါးပတ် ချန်ပီယံ တွေ့မရှောင်၊ နယူးဇီလန်နိုင်ငံ မွေထိုင်းချန်ပီယံ Erua Druce နှင့် မြန် မာပြည်ချန် ပီယံဟောင်း လုံးချောတို့ ပွဲစဉ်များ ပါဝင်သည့် နိုင်ငံတကာ မြန်မာ့ရိုးရာ လက်ဝှေ့ စိန်ခေါ်ပွဲကို စက်တင်ဘာလ ၁၆ ရက်တွင် သိမ်ဖြူ အားကစားရုံ၌ ကျင်းပမည်ဖြစ်ကြောင်း သတင်းရရှိသည်။
ပြည်တွင်း ပွဲစဉ်များအဖြစ် ကြယ်စင်ဖြိုးနှင့် ရဲရင့်၊ အားမာန်နှင့် ကြယ်လေး၊ ရွှေဖလားနှင့် လှစ်လှစ်လေး၊ လေးညှို့ရှင်နှင့် နေရူဘီ၊ စောဂေါ်မူတိုနှင့် ထက်အောင်ဦး (ခ) စနေထွန်း၊ သားသားနှင့် စောအုန်းမြင့် ပွဲစဉ်များ ပါဝင်မည် ဖြစ်သည်။ မွန်းလွဲ ၂ နာရီတွင် စတင်မည့် အဆိုပါ ပြိုင်ပွဲဝင်ကြေး လက်မှတ်များကို ကျပ် ၁၅၀၀၀၊ ၁၀၀၀၀ နှင့် ကျပ် ၇၀၀၀ သတ်မှတ်ထားပြီး ကြိုတင်လက်မှတ်များကို ဖုန်း ၀၁-၃၈၇၃၈၂ သို့ ဆက်သွယ်နိုင်ကြောင်း သိရသည်။ အဆိုပါ ပွဲစဉ်များကို မည်သည့် ရုပ်သံလိုင်းများမှ တိုက်ရိုက်၊ နောက်ကျထုတ်လွှင့်ပြသမည် မဟုတ်ကြောင်းနှင့် ပထမဦးဆုံး လက်ဝှေ့ရုံအတွင်းသို့ လာရောက် အားပေးသည့် ပရိသတ် ငါးရာအား အမှတ်တရ လက်ဆောင်များ ပေးအပ်သွားမည် ဖြစ်ကြောင်း ဦးအောင်နိုင်မိုးက ဆိုသည်။
No comments:
Post a Comment
စာဖတ်သူများကွန်မန်.ပေးနိုင်ပါသည်။