Saturday, February 9, 2013

နွေရာသီ မီးမပြတ်ရေး ရေကြိုစုဟု လျှပ်စစ်ဌာနပြော

ယမန်နှစ်နွေရာသီက လျှပ်စစ်မီး ပုံမှန်ရရှိရေးအတွက် ရန်ကုန်မြို့ မြို့တော်ခန်းမရှေ့တွင် ဆန္ဒပြလှုပ်ရှားသူများ (ဓာတ်ပုံ – ခင်သြ / ဧရာဝတီ)

ရန်ကုန်အပါအ၀င် မြို့ကြီးများတွင် နွေရာသီကာလ မီးမပြတ်ရေးအတွက် လျှပ်စစ်စွမ်းအားဝန်ကြီးဌာနက ရေကြိုတင် စုဆောင်းမှုများပြုလုပ်နေပြီဖြစ်ကြောင်း လျှပ်စစ်စွမ်းအားဝန်ကြီးဌာန ရန်ကုန်မြို့တော်လျှပ်စစ် ဓာတ်အား ပေးရေးအဖွဲ့မှ အင်ဂျင်နီယာချုပ်ဦးညိုဝင်းက ဧရာဝတီသို့ ပြောသည်။

ရေအားလျှပ်စစ် အဓိက အသုံးပြုနေရသည့် မြန်မာနိုင်ငံတွင် နှစ်စဉ်နွေရာသီကာလရောက်တိုင်း မြစ်ချောင်း အင်းအိုင်အများစုတွင် ရေခန်းပြီး ရေအားမှ ဓာတ်အားထုတ်လုပ်မှု လျော့ကျသဖြင့် အလှည့်ကျ စနစ်နှင့် လျှပ်စစ်မီးပေး၊ မီးဖြတ်တောက်ရမှုများ ပြုလုပ်ရလေ့ရှိကြောင်း၊ ယခုနှစ်တွင်မူ လျှပ်စစ်စွမ်းအား ဝန်ကြီးဌာနသည် ပြည်သူများ နွေရာသီတွင် အချိန်ပြည့်နီးပါး လျှပ်စစ်မီးပေးနိုင်ရန် ကြိုးစားလျက်ရှိကြောင်း၊ သို့သော်လည်း မျှော်လင့်ချက်များပေးသကဲ့သို့ မဖြစ်စေလိုသည့်အတွက် မီးပေးနိုင်၊ မပေးနိုင်ကို အတိ အကျ မပြောလိုသော်လည်း လတ်တလောတွင်မူ ရေများ ကြိုတင်စုဆောင်းနေသော အစီအစဉ်များ လုပ်ဆောင်နေကြောင်း ဦးညိုဝင်းက ပြောသည်။

"နွေရာသီ ရေတွေခန်းမယ့်အချိန်မှာ လျှပ်စစ်မီး လုံလောက်အောင် ပေးနိုင်ဖို့ ကြိုးစားနေတယ်။ ဘယ်လို ကြိုးစားနေတယ် ဆိုတာတော့ အသေအချာကြီး မပြောချင်သေးဘူး။ အခုကတည်းက ရေကိုစုထားတယ်။ မကုန်သင့်တဲ့ နေရာတွေမှာ မကုန်အောင် အရင်ကလို ရေကို အလွန်အမင်းကြီး မသုံးတော့ဘူး"ဟု ဦးညိုဝင်းက ဆိုသည်။

လက်ရှိတွင် ရန်ကုန်မြို့ပြည်သူများအတွက် အချိန်ပြည့်နီးပါး လျှပ်စစ်မီး ပေးနေလျက်ရှိသော်လည်း နိုင်ငံပိုင် စက်ရုံများ၊ တပ်မတော် စက်ရုံများ၊ စက်မှုလုပ်ငန်းများကိုမူ ညနေ ၅နာရီမှ ည ၁၁ နာရီအထိ မီးဖြတ်ထားလျက်ရှိကြောင်း၊ ညအချိန်သာ မီးဖြတ်တောက်ထားခြင်း ဖြစ်သည့်အတွက် ကုန်ထုတ်လုပ်မှု လုပ်ငန်းများ ထိခိုက်မှု နည်းပါးစေမည်ဖြစ်ကြောင်း၊ ပြည်သူများကို မီးအပြည့်ပေးနေသော်လည်း ရံဖန်ရံခါ မီးပျက်မှုများ ကြုံတွေ့ရခြင်းမှာလည်း  အကြောင်းတစုံတရာကြောင့်သာဖြစ်ပြီး လျှပ်စစ်ဝန်ကြီးဌာနက အလှည့်ကျ မီးဖြတ်တောက်သည့်အစီအစဉ်များ မပြုလုပ်သေးကြောင်း သိရှိရသည်။

"ရပ်ကွက်တွေမှာ မီးပျက်တယ်ဆိုတာကလည်း အကြောင်းတစုံတရာကြောင့် ဖြစ်ပါလိမ့်မယ်။ ကျနော်တို့က မီးကို ပုံမှန်ပေးထားတယ်"ဟု ဦးညိုဝင်းက ဆက်လက်ပြောသည်။

စက်မှုဇုန်များတွင် ညနေ ၅ နာရီမှ ည ၁၁ နာရီအထိ  မီးဖြတ်တောက်ထားသည့်အတွက် စက်မှုလုပ်ငန်းရှင်အများစု အဆင်မပြေဖြစ်ကြကြောင်း၊ အထူးသဖြင့် မီးစက်ဖြင့် စက်မှုလုပ်ငန်းများ လည်ပတ်ရန် ဒီဇယ် ၀ယ်ယူသုံးစွဲရသည့်အတွက်  ကုန်ထုတ်လုပ်မှု စရိတ် ပိုမိုမြင့်မားလာသည်ဟု လုပ်ငန်းရှင်များထံမှ သိရှိရသည်။

"အချိန်နဲ့ မီးဖြတ်တဲ့အတွက် စက်မှုလုပ်ငန်းတွေအနေနဲ့ အခက်အခဲအများကြီးရှိတယ်။ သူတို့တွေက အဲဒီအချိန်ဟာ မီးသိပ်မသုံးဘူးလို့ပြောပေမယ့် ကျနော်တို့အတွက်တော့ ညဘက် လုံခြုံရေးအတွက် မီးအလင်းရောင်မရှိဘူး။ နောက်ပြီး ပုံမှန်ဝန်ထမ်းတွေအတွက် ညနေ ၅ နာရီဆို အလုပ်သိမ်းပေမယ့် ကျန်တဲ့ လုပ်သားတွေအတွက်ကျတော့ ညဘက်မှာ မီးစက်တွေ နှိုးရတဲ့အတွက် ကုန်ကျစရိတ်တွေ ပိုကုန်တာပေါ့"ဟု ရန်ကုန်မြို့၊ မင်္ဂလာဒုံစက်မှုဇုန်ရှိ Triangle Links Engineering ကုမ္ပဏီမှ တာဝန်ရှိသူတဦးက ပြောသည်။

မြန်မာနိုင်ငံ အထည်ချုပ် လုပ်ငန်းရှင်များအသင်း ဥက္ကဋ္ဌဦးမြင့်စိုးကမူ "မီးမလာတော့ ဒီဇယ်ဝယ်ပြီး စက်လည်ရတော့ ကုန်ကျစရိတ် ပိုကုန်တယ်။ မီးပုံမှန်လာရင်တော့ အကုန်အကျ နည်းသွားမှာပေါ့။ အခုတော့ အကုန်အကျ များတယ်" ဟု ဧရာဝတီသို့ပြောသည်။

လက်ရှိကာလတွင် နွေရာသီ နီးကပ်လာပြီ ဖြစ်သော်လည်း မီးပုံမှန်ရရှိနေသေးသည့်အတွက် မီးစက်၊ အင်ဗာတာ၊ အိမ်သုံးဘတ္ထရီအိုးများမှာ အရောင်းအဝယ် အေးနေကြောင်း ဈေးကွက်အတွင်းမှ စုံစမ်းသိရှိရသည်။

"မီးစက်ဝယ်လိုအားက သိပ်မကောင်းဘူး။ မီးကလည်း သိပ်မပျက်သေးဘူး ဆိုတော့ ၀ယ်အား သိပ်မရှိတာ။ လုပ်ငန်းလုပ်တဲ့သူတွေ နည်းနည်းဝယ်ကြတယ်"ဟု ရန်ကုန်မြို့မှ မီးစက်အရောင်းဆိုင်ပိုင်ရှင်တဦး ဖြစ်သူ ဦးဇော်အောင်က ပြောသည်။

ယမန်နှစ်က နွေရာသီ ဓာတ်အားပြတ်တောက်မှုကြောင့် ဖယောင်းတိုင် မီးထွန်းဆန္ဒပြပွဲများ တနိုင်ငံလုံး အတိုင်းအတာဖြင့် ဖြစ်ပွားခဲ့သည်။

မြန်မာတနိုင်ငံလုံး၏ လျှပ်စစ်ဓာတ် အားသုံးစွဲမှုမှာ မဂ္ဂါဝပ် ၁,၈၈၀ ခန့် လိုအပ် ပြီး ဖြန့်ဖြူးနိုင်သည့် မဂ္ဂါဝပ်မှာ ၁,၅၅၀ သာရှိကြောင်း၊ မြန်မာနိုင်ငံ၏ လျှပ်စစ်ထုတ်လုပ်မှု ပမာဏ ၇၀ ရာခိုင်နှုန်းသည် ရေအားမှ လည်းကောင်း၊ ၂၀ ရာခိုင်နှုန်းမှာ သဘာဝဓာတ်ငွေ့မှ လည်းကောင်း၊ ၉ရာခိုင်နှုန်းမှာ ကျောက်မီးသွေးမှ လည်းကောင်း ရရှိကြောင်း  အစိုးရ၏ ထုတ်ပြန်ချက်များအရ သိရှိရသည်။

ယမန်နှစ် ဧပြီလ ၂၉ ရက်နေ့က နေပြည်တော်၌ အစိုးရအဖွဲ့ဝင် ၀န်ကြီးတချို့နှင့် စာနယ်ဇင်းသမားများ တွေ့ဆုံရာတွင် စက်မှုဝန်ကြီး ဦးစိုးသိန်းက ရန်ကုန်မြို့ ပုံမှန် လျှပ်စစ်မီးပေးရရှိရေးအတွက် ၂၅ မဂ္ဂါဝပ်ထုတ်လုပ်နိုင်သည့် ရွေ့ပြောင်းမီးစက်ကြီး ၄လုံးကို အမေရိကန်အခြေစိုက် General Electric (GE) ကုမ္ပဏီထံမှ ငှားရမ်းထားကြောင်း ပြောဆိုခဲ့သည်။

မြန်မာနိုင်ငံ၌ သုံးစွဲနေသည့် လျှပ်စစ်ဓာတ်အား အများစုမှ ရေအားမှ ထုတ်လုပ်ခြင်းဖြစ်ပြီး ရခိုင်ကမ်းလွန်ဒေသနှင့် မုတ္တမပင် လယ်ကွေ့မှ ထွက်ရှိသည့် သဘာဝဓာတ်ငွေ့ကို တရုတ်နိုင်ငံနှင့် ထိုင်းနိုင်ငံသို့ တင်ပို့ရောင်းချသည်။

ကမ္ဘာ့ဘဏ်နှင့် အာရှဖွံဖြိုးရေးဘဏ်တို့ အဆိုအရ မြန်မာပြည်လူဦးရေ သန်း ၆၀ ရှိရာ ၂၅ ရာခိုင်နှုန်းသာ လျှပ်စစ်မီးရပြီး ပျမ်းမျှ တဦးလျှင် ၁၀၄ ကီလိုဝပ်သာ သုံးစွဲနိုင်သောကြောင့် ကွန်ဂိုနှင့် နီပေါနိုင်ငံတို့နည်းတူ မြန်မာနိုင်ငံသည်လည်း ကမ္ဘာပေါ်တွင် လျှပ်စစ်သုံးစွဲနိုင်မှု အနိမ့်ကျဆုံး နိုင်ငံတနိုင်ငံဖြစ်ကြောင်း သိရသည်။

မြန်မာနိုင်ငံ လျှပ်စစ်ဓာတ်အား ပိုမိုရရှိရေး စီမံချက်များတွင် ကမ္ဘာ့ဘဏ်မှ ကူညီမည်ဖြစ်ကြောင်း ရန်ကုန် ချက်ထရီယံ ဟိုတယ်တွင် ဖေဖော်ဝါရီ ၅ ရက်တွင် ပြုလုပ်သည့် သတင်းစာရှင်းလင်းပွဲ၌ ထုတ်ပြန်ခဲ့သည်။

မြန်မာနိုင်ငံ၏ စွမ်းအင်ကဏ္ဍ တိုးတက်ရေးဆောင်ရွက်ရန် ကမ္ဘာ့ဘဏ်လုပ်ငန်းစု၏ အထူးကိုယ်စားလှယ် အဖွဲ့သည် မြန်မာနိုင်ငံသို့ ၃ ရက်တာခရီးစဉ် ရောက်ရှိနေချိန်အတွင်း နိုင်ငံတော် သမ္မတ ဦးသိန်းစိန်၊ အစိုးရ၀န်ကြီးများ၊ ဒေါ်အောင်ဆန်းစုကြည်နှင့် လူမှုအဖွဲ့အစည်းများကို တွေ့ဆုံခဲ့ပြီး လျှပ်စစ်ဓာတ်အား၊ ဆက်သွယ်ရေးစနစ်နှင့် ဘဏ်လုပ်ငန်း ပိုင်းဆိုင်ရာ ကိစ္စရပ်များကို တိုးမြှင့်ကူညီရန် သဘောတူညီချက် ရရှိခဲ့ကြောင်း သိရသည်။

KIA တပ်ရင်း (၆) အား စစ်ဆင်ရန် အစိုးရတပ်ဖွဲ့များ ပြင်ဆင်

ကချင်ပြည် လွတ်လပ်ရေး တပ်မတော် KIA တပ်မဟာ (၂)၊ လက်အောက်ခံ တပ်ရင်း (၆) နယ်မြေဖြစ်သည့် ဖားကန့် ဒေသသို့ ယခု ရက်ပိုင်းအတွင်း အစိုးရ တပ်အင်အားများ ထပ်မံ တိုးချဲ့ ချထားခဲ့ကြောင်း တပ်ရင်း (၆) မှူး ဒုတိယ ဗိုလ်မှူးကြီး အင်ခွန်ဇော်ဒွဲက ပြောသည်။

"ဒီနေ့ ညနေပိုင်းမှာ ဖားကန့်မြို့နယ် လုံးခင်း ကျေးရွာမှာ ရှိတဲ့ အစိုးရ တပ်ဖွဲ့တွေက ကျနော်တို့ တပ်ရင်း (၆)အနီးမှာ ရှိတဲ့ သူတို့ရဲ့ တပ်ဖွဲ့တွေကို လာရောက် အင်အားဖြည့်ထား တယ်လို့ သိရပါတယ်။ ဒီ ၃/၄ ရက်အတွင်းမှာ သူတို့ရဲ့ စစ်ရေး လှုပ်ရှား မှုတွေကို ကြည့်မယ်ဆိုရင် ဖါးကန့် ဒေသအတွက် အစိုးရဘက်က ချမှတ်ထားတဲ့ စစ်ဆင်ရေး စီမံချက်တွေ စတင်အကောင် အထည် ဖော်နေပြီဆိုတာ ထင်ရှားစေပါတယ်။" ဟု ဆိုသည်။

ထို့အပြင် ဒေသတွင်း စစ်ရေး လှုပ်ရှား၍ သော်လည်းကောင်း ဒေသခံ အရပ်သားများအား ဖမ်းဆီးစစ်ဆေး ၍သော်လည်းကောင်း KIA တပ်စခန်းများအား ရှာဖွေနေကြောင်းနှင့် အချိန်မရွေး တိုက်ခိုက်နိုင်ရန် စစ်အင်အား ဖြည့်တင်းသည့် စံနစ်ကို ကျင့်သုံးနေကြောင်း ဒုဗိုလ်မှူးကြီး အင်ခွန်ဇော်ဒွဲက ဆိုသည်။

အစိုးရတပ်က ယခုကဲ့သို့ လှုပ်ရှားမှုကြောင့် KIA ဘက်မှ ခံစစ်သေ စခန်းများ မထားတော့ဘဲ လှုပ်ရှား စစ်ကြောင်းအသွင် ပြောင်းလဲလှုပ်ရှားလိုက်ကြောင်း ၎င်းက ဆက်ပြောသည်။

လွန်ခဲ့သည့် ဇန္န၀ါရီလ (၃၁) ရက်နေ့က ခါမှော်ကြီးကုန်း ကျေးရွာအတွင်း အစိုးရတပ်က လက်နက်ကြီးဖြင့် ပစ်ခတ်ခဲ့ရာ အရပ်သား (၄) ဦးသေဆုံး၍ (၁၇) ဦး ထိခိုက်ဒဏ်ရာ ရခဲ့ ကြောင်းနှင့် ဖေဖော်ဝါရီလ (၁) ရက်နေ့ကလည်း နှစ်ဖက် တပ်ဖွဲ့များ (၃) နာရီကျော် တိုက်ပွဲ ဖြစ်ပွားခဲ့ကြောင်း သိရသည်။

သို့သော် အရပ်သားများ ထိခိုက် ဒဏ်ရာရမှု၊ သေဆုံးမှုနှင့် ပတ်သက်၍ သီးခြား အတည်ပြုချက် မရသေးပါ။

ထို့အပြင် ဇန္န၀ါရီလ (၁၅) ရက်နေ့မှ စတင်၍ အစိုးရတပ်ဖွဲ့ဝင် အင်အား (၄၀၀) ခန့်က စစ်ကြောင်း သုံးကြောင်း ခွဲ၍ KIA တပ်စခန်းတ၀ှိုက် လှုပ်ရှားနေသလို ဇန္န၀ါရီလ (၁၈) ရက်နေ့က ကံစီး ကျေးရွာတ၀ှိုက်ရှိ KIA တပ်ခွဲ (၃) စခန်းဟောင်း တခုအား ၀င်ရောက် တိုက်ခိုက် သိမ်းပိုက်ခဲ့သည်။

လွန်ခဲ့သည့် ဇန္န၀ါရီလ (၁၉) ရက်နေ့က လဂျားယန်ဒေသတ၀ှိုက် ပစ်ခတ်မှု မပြုလုပ်ရန် အစိုးရက ကြေညာချက် ထုတ်ပြန်ပြောဆို လိုက်သော်လည်း ဖားကန့် ဒေသနှင့် အခြား စစ်ဒေသများတွင် တိုက်ပွဲများ ဆက်လက် ဖြစ်ပွားနေကြောင်း သိရသည်။

လောလောဆယ်တွင် ဖားကန့်ဒေသအတွင်း တနိုင်တပိုင် လုပ်ကိုင်စားသောက်နေသူများ အပါအ၀င် မော်ဇာ၊ ကုဋေ၊ ကထန် စသည့် ဒေသများတွင် ကျောက်စိမ်း လုပ်ကိုင်ခွင့် ပိတ်ပင်ထားသလို အလုပ်သမားများအား နေရပ်သို့ ပြန်ခိုင်းနေသဖြင့် စစ်ဆင်ရေး စီမံချက်များ ရှိလာနိုင်ကြောင်း KIA တပ်ရင်း (၆) မှူး ဒု-ဗိုလ်မှူးကြီး အင်ခွန်ဇော်ဒွဲက သုံးသပ် ပြောဆိုသည်။

စစ်တွေရဲစခန်း ၀ိုင်းဝန်း ဆန္ဒပြရာတွင် ပါဝင်သူ ၉ ဦး ထောင် (၁) နှစ်စီချမှတ်ခံရ

ရခိုင်ပြည်နယ် မြို့တော် စစ်တွေတွင် ယမန်နှစ် ဇွန်လ အတွင်းက ဖြစ်ပွားခဲ့သော စစ်တွေ အမှတ် (၁) ရဲစခန်း ၀ိုင်းဝန်း တိုက်ခိုက်မူ အတွင်း ပါဝင်သူ ၉ ဦးကို စစ်တွေမြို့နယ် တရားရုံးမှ ယမန်နေ့က ထောင်ဒဏ် (၁) နှစ်စီ အသီးသီးချမှတ်လိုက်သည်ဟု သိရသည်။

စစ်တွေရဲစခန်းကို ၀ိုင်းဝန်း နေကြစဉ်။

စစ်တွေရဲစခန်းကို ၀ိုင်းဝန်း နေကြစဉ်။

"စုစုပေါင်း ၁၉ ဦး အဖမ်းခံထားရတယ်။ အဲဒီအထဲက ၁၀ ဦးက တရားသေလွှတ်တယ်။ ၉ ဦးထောင် ၁ နှစ်စီ ချမှတ်ခံရတယ်။ တရားစွဲဆိုတဲ့ ပုဒ်မက ပြည်သူပိုင် ပစ္စည်း ကာာကွယ်ရေး အက်ဥပဒေ ပုဒ်မ ၆၈ နဲ့ ဖြစ်ပါတယ်" ဟု ဆိုသည်။

ထောင်ချခံရသူ ၉ ဦးထဲတွင် အရေးအခင်း ဖြစ်စဉ်တုန်းက ဒဏ်ရာရသူ ၇ ဦးပါဝင်သည်ဟု သိရသည်။

ထောင်ချခံရသူများထဲတွင် ကိုအောင်မိုးဇော် အပါအ၀င် တခြားသူများ ပါဝင်သည်ဟု ဆရာမက ပြောသည်။

စစ်တွေတွင် ယခင်နှစ် ဇွန်လ ၃ ရက်နေ့ ညနေပိုင်းတွင် စစ်တွေအမှတ် (၁) ရဲစခန်းကို ပြည်သူ ထောင်ပေါင်များစွာက ၀ိုင်းဝန်း ဆန္ဒပြခဲ့ကြသည်။ နောက်ပိုင်းတွင်လူအုပ် အဆမတန် များပြားလာပြီး ရဲစခန်းအား ၀ိုင်းဝန်းပြီး ပုလင်းများ၊ ကျောက်ခဲများဖြင့် ၀ိုင်းဝန်းတိုက်ခိုက်ကြရာ ရဲစခန်းထဲမှ လုံထိန်းနှင့် ရဲသားများက သေနတ်များ ပစ်ခတ်ပြီး လူစုခွဲခဲ့ရသည်။

လုံထိန်းနှင့် ရဲသားများ၏ ပစ်ခတ်မူကြောင့် ရဟန်းတော် တစ်ပါး အပါအ၀င် လူပေါင်း ၁၂ ဦး ဒဏ်ရာ ရရှိခဲ့သည်။

အဆိုပါ အမူအား ယမန်နေ့က ဆုံးဖြတ်ရာ ၉ ဦးကို ထောင် တနှစ်စီ ချမှတ်လိုက်ခြင်း ဖြစ်သည်။

တိုက်ပွဲ ဆုံးသတ်ရေး အခမ်းအနား KIA ပြုလုပ်

အစိုးရနှင့် ကချင်ပြည် လွတ်လပ်ရေး တပ်မတော် KIA တို့ ဖြစ်ပွားနေသော တိုက်ပွဲများ ပြန်လည် သုံးသပ်ရေး အခမ်းအနား တရပ်ကို KIO ဗဟို ဌာနချုပ် လိုင်ဇာအနီးရှိ လဝါယန် စခန်းတွင် ယနေ့မနက်က ပြုလုပ်ခဲ့ကြောင်း တက်ရောက်သူ ကျောင်းသားတပ်မတော် ABSDF တပ်ဖွဲ့မှ ဗိုလ်မှူး ကျော်ကျော်က ပြောသည်။

"တိုက်ခဲ့တဲ့တိုက်ပွဲကို ပြန်ပြီးတော့ သုံးသပ်တဲ့ အခမ်းအနားကို ဒီနေ့ လုပ်ဖြစ်တာပါ။ ဒီတိုက်ပွဲမှာ လေယာဉ်နဲ့ပစ်တယ်။ လက်နက်ကြီးသုံးပြီးပစ်တယ် အပါဝင်ပေါ့လေ လူအင်အားတွေလည်း များများ သုံးထားတဲ့ အတွက်ကြောင့် ကျနော်တို့ရဲ့ တောင်ကုန်းတွေ ဆုတ်ပေးခဲ့ရတယ်။ ဒါပေမဲ့ ဘယ်လိုဘဲ ဆုတ်ရဆုတ်ရ သော်လည်းဘဲ ကျနော်တို့ရဲ့ စိတ်ဓါတ်ဟာ ခိုင်မာ သည်ထက် ခိုင်မာ နေတယ် ဆိုတာတွေ့ရတဲ့အတွက် ဒါဟာ ဒီတိုက်ပွဲရဲ့ အဓိက အားသားချက်တွေလို့ သုံးသပ် ပါတယ်။" ဟု ဗိုလ်မှူးကျော်ကျော်က ပြောဆိုသည်။

ထို့အပြင် နှစ်ဖက် အသေအပျောက် ဒဏ်ရာရမှုများ၊ သိမ်းဆည်းမိသည့်ပစ္စည်းများနှင့် ဆုံးရှုံးမှုများကို နှိုင်းယဉ် ကြည့်လျင်လည်း အဆပေါင်းများစွာ ကွာခြားသည်ဟုဆိုသည်။

အလားတူ အချိန် တနှစ်ခွဲကျော်ဖြစ်လာခဲ့သည့် တိုက်ပွဲတွင် အစိုးရဖက်မှ (၅၀၀၀)ထက်မနဲ ကျဆုံးနိုင်ကြောင်း နိုင်ငံခြား စစ်တမ်း တခုက သုံးသပ် ထားပြီး ရဟတ်ယာဉ် ပျက်စီးမှုအပါဝင် ရထား၊ လမ်းတံတားနှင့် လျှပ်စစ်တာဝါတိုင် ပျက်စီးမှုများစွာ ရှိကြောင်းလည်း ဖော်ပြထားသည်။  

အခမ်းအနားအား နံနက် ၁၀ နာရီအချိန်မှ စတင်ခဲ့ပြီး ညနေ ၂ နာရီ အချိန်တွင် ပြီးဆုံးခဲ့သည်။ အခမ်းအနားကို KIA ဗျူဟာမှူး ဗိုလ်မှူးကြီးဇော်ဂေါင် ဦးဆောင်ကျင်းပခဲ့ပြီး အခမ်းအနားသို့ KIA တပ်မှူး ၂၇ ဦး၊ နှင့်ကျောင်းသားတပ်မ တော်မှ တပ်မှူး ၃ ဦး တို့ တက်ရောက်ခဲ့ကြသည်။

"ယခုဖြစ်နေတဲ့ တိုက်ပွဲဟာ ကျနော်တို့ဘက်က နိုင်ငံရေး တွေ့ဆုံးဆွေးနွေးရေး လမ်းစ ပေါ်လာ အောင် တိုင်းရင်းသား အားလုံးအတွက် အနစ်နာခံတိုက်ခဲ့တဲ့ တိုက်ပွဲလို့သဘောထားပါတယ်။ ဒါကြောင့်လည်းဘဲ ကျနော်တို့အပေါ် တိုင်းရင်းသားအားလုံးရဲ့ အားပေးမှုတွေကို ရရှိခဲ့ပါတယ်။ အခုတော့ နိုင်ငံရေး တွေ့ဆုံဆွေးနွေးရေး လမ်းစတခုတော့ ပေါ်လာပြီဖြစ်တယ်လို့ ယူဆ ရတဲ့ အတွက်ကြောင့် မို့လို့ အခုလို တိုက်ပွဲရဲ့ သုံးသပ်ချက် အခမ်းအနားကို ကျင်းပခြင်းဖြစ်တယ်။" ဟု ဗျူဟာမှူး ဗိုလ်မှုကြီး ဇော်ဂေါင်က ပြောဆိုသည်။

KIA မှ ချမှတ်ထားသည့် နိုင်ငံရေးလမ်းစဉ်များကို တပ်မှူးများက အပြည့်အဝ ယုံကြည်မှုရှိကြောင်း၊ ယခုဖြစ်ပွားခဲ့သည့် တိုက်ပွဲများသည် ထူးခြားသည့် စစ်ပွဲများဟု သုံးသပ်မိပါကြောင်း၊ မပြီးဆုံး သေးသည့် တာဝန်များကို စိတ်ဓါတ်ခိုင်မာစွာဖြင့် ဆက်လက် တိုက်ပွဲဝင်သွားကြမည် ဖြစ်ကြောင်း တက်ရောက်သူ တပ်မှူးများက တညီတညွတ်တည်း ပြောဆိုခဲ့ကြောင်း သိရသည်။

သျှမ်းအမျိုးသားနေ့၌ ကျေးလက် အမျိုးသမီးတဦးအား အစိုးရစစ်တပ်က မုဒိန်းကျင့်

၆၆ နှစ်မြောက်သျှမ်းပြည်အမျိုးသားနေ့ အခါသမယ၌ သျှမ်းပြည်အလယ်ပိုင်း  ကျေးသီးမြို့နယ် ကျေးလက် အမျိုးသမီး တဦးအား  မြန်မာစစ်သားတဦးက  ဓါးပြတိုက် မုဒိန်းကျင့်ခဲ့ကြောင်း သိရသည်။

ဖေဖော်ဝါရီလ ၇ ရက်ည သန်းခေါင်အချိန်တွင် အမည်မဖော်လိုသူ သျှမ်းအမျိုးသမီး (အသက် ၂၆ နှစ် ) နေအိမ်အား တံခါးခေါက်၍ အကူအညီတောင်းခဲ့သဖြင့် အဆိုပါ အမျိုးသမီးက တံခါးဖွင့်ကြည့်သည်နှင့် တပ်သားမောင်ဦး (အသက် ၃၀ ခန့်)က  အမျိုးသမီး အား ဓါးထောက်ကာ ပိုက်ဆံ ၇၀,၀၀၀ ကျပ် တောင်းကြောင်း၊ ထိုစဉ် အခန်းထဲ၌ အိပ်နေသော အမျိုးသမီး၏ ၂ နှစ်သား အရွယ် ကလေးက ငိုသဖြင့် ကလေးသွားချော့ရန် အခန်းထဲဝင်သွားစဉ် အမျိုးသမီးအား ဓါးဖြင့်ထောက်၍ အဓမ္မပြု ကျင့်လိုက်ကြောင်း ကာယကံရှင် အမျိုးသမီးက ပြန်လည်ပြောပြသည်ဟု ထိုရွာသို့ သွားရောက်တည်းခိုသည့် မိုင်းနောင်ဒေသခံက ဆက်လက်ပြောဆိုသည်။

"အဲဒီစစ်သားက ၁၂ နာရီခွဲကနေ ၂ နာရီအထိ မုဒိန်းကျင့်ပြီးတော့ အိပ်ပျော်သွားတာနဲ့ ကောင်မလေးက တိတ်တဆိတ် ထွက်လာပြီး ရွာသားတွေကို လာတိုင်တယ်။ ဒါနဲ့ရွာသားတွေက နယ်ထိန်းတွေကိုခေါ်ပြီး သူ့အိမ်ကို သွားဝိုင်းတယ်။ သူ့ကို ဖမ်းချုပ်လိုက်တယ်။ အခု အမှုဖွင့်ထားတယ်။ ဒီမနက် သူ့ရဲ့ တပ်ရင်းဗိုလ် လာကြည့်ပြီး ရိုက်နှက်ဆုံးမ သွားတယ်" ဟု ဆိုသည်။

၎င်းနှင့်ပတ်သက်၍ ကျေးသီးမြို့ရဲစခန်းသို့ သျှမ်းသံတော်ဆင့်မှ ဆက်သွယ်မေးမြန်းကြည့်ရာ အမည်မဖော်လိုသည့် ရဲအရာရှိ တဦးက "ရွာသားတွေက ရဲစခန်းကိုလာတိုင်တယ်။ ကောင်မလေးကိုလည်း ဆေးရုံကိုခေါ်သွားပြီး စစ်ဆေးတယ်။ ဆိုင်ရာသက်သေ အချက်အလက် တွေကိုလည်း ရန်ကုန်ကို ထပ်ပို့ပြီး စစ်ဆေးဦးမယ်" ဟု ပြောဆိုသည်။

အဆိုပါအမျိုးသမီးမှာ အိမ်ထောင်ကွဲနေသူတဦးဖြစ်ပြီး အခင်းဖြစ်ပွါးသည့်ညက ၎င်း၏ မိခင်က အလှူမင်္ဂလာ ဆောင်အိမ် သို့သွားရောက် ကူညီနေသဖြင့် နေအိမ်၌ ၎င်းနှင့်အတူ အသက် ၂ နှစ်အရွယ်နှင့် အသက် ၆ နှစ်အရွယ် ကလေး  ၂ ဦးသာကျန်ရစ်ခဲ့ကြောင်း ရွာသားများကပြောသည်။

ခလရ ၁၃၁ တပ်ရင်းမှူးမှာ ခရီးလွန်နေသဖြင့် ယခုလောလောဆယ် ဒုတပ်ရင်းမှူး ဗိုလ်မှူး ထွန်းထွန်းနောင်က စခန်းထိုင်ထားကြောင်း၊ ၎င်းတို့တပ်စခန်းသို့ ဗျူဟာမှူးလည်းရောက်ရှိနေကြောင်း နီးစပ်သူတဦးကပြောသည်။

မိုင်းနင်အုပ်စု နောင်ယုမ်း ရွာသည် ကျေးသီးမြို့နယ်၏တောင်ဘက် ၁ မိုင်အကွာတွင် တည်ရှိသည်။

ဝိုင်းမော်မြို့နယ် “ဇ” ဒုက္ခသည်စခန်း ဆေးဝါးပြတ်လပ်မှု အခက်အခဲ ရင်ဆိုင်နေရ

ကချင်ပြည်နယ် ဝိုင်းမော်မြို့နယ် တရုတ်နယ်စပ်ရှိ "ဇ" (Za) ဒုက္ခသည် စခန်းတွင် ဒုက္ခသည် ၅၀ ခန့် ဖျားနာနေသလို ဆေးဝါးများ ပြတ်လပ်နေသဖြင့် အခက်အခဲနှင့် ရင်ဆိုင်နေရကြောင်း စခန်းတာဝန်ရှိသူများပြောသည်။

ဖျားနာသူ အယောက် ၃၀ ခန့် ဆေးခန်းသို့ နေ့စဉ် ရောက်ရှိနေသော်လည်း ဆေးဝါး ပြတ်လပ်နေသဖြင့် ရောဂါနှင့် သက်ဆိုင်သည့် ဆေးများ မပေးနိုင်ဘဲ ရောဂါနှင့် နီးစပ်သည့် ဆေးများကိုသာ စပ်ပြီးပေးနေရကြောင်း စခန်းအတွင်း ကျမ်းမာရေးစောင့်ရှောက် ပေးနေသည့် ဆရာဝန် ယော်ထုံကပြောသည်။

ဝိုင်းမော်မြို့နယ်

လွန်ခဲ့သည့် (၁) လခန့်က စတင်၍ ဆေးဝါးနှင့် သောက်သုံးရေများ လိုအပ်နေပြီး လောလောဆယ် အရေးပြား ရောဂါဖြစ်ပွားနေသူ ၁၀ ဦး၊ ဝမ်းပျက်ဝမ်း လျှောဖြစ်နေသူ ၄ ဦး၊ ငှက်ဖျားဖြစ်သူ ၄ ဦးနှင့် နှာစေးချောင်းဆိုး ဖြစ်နေသူ အယောက် ၃၀ ကျော် ရှိကြောင်း သိရသည်။ သို့သော် ယနေ့ချိန်ထိ သေဆုံးသူ မရှိသေးကြောင်း သိရသည်။

ယခုအချိန် ရာသီဥတု အပြောင်းအလဲ ကာလသို့ ရောက်ရှိလာသလို ၎င်းစခန်းအတွင်း ဖုံမှုန့် ထူထပ်ပြီး တကိုယ်ရည် သန့်ရှင်းမှု လိုအပ်ချက်ကြောင့် ရောဂါ အမျိုးမျိုးဖြစ်ပွား နေခြင်းဖြစ်သည်ဟု ကျမ်းမာရေးဌာနမှ ပြောသည်။

မြစ်ကြီးနားမြို့အခြေစိုက် ကချင်နှစ်ခြင်း ခရစ်ယာန်အဖွဲ့ချုပ် KBC မှ အဆိုပါဒုက္ခသည် စခန်းသို့ ဆေးဝါးထောက်ပံ့ ပေးနေသော်လည်း ၃ လမှ ၁ ကြိမ်သာ လာရောက်နိုင်သဖြင့် အခက်အခဲနှင့် ရင်ဆိုင်နေရကြောင်း Za  "ဇ" စခန်း ကျမ်းမာရေးဌာနမှ ဆရာဝန် ယော်ထုံ က KNG ကချင်သတင်းဌာနသို့ ပြောသည်။

"ဆေးဝါတွေက KBC ကနေ ကူညီနေတာတော့ ဟုတ်တယ်။ ဒါပေမယ့် ဆေးတွေကို မြစ်ကြီးနားကနေ ဝယ်ပြီးတော့ မန္တလေး-ကန်ပိုင်တီ လမ်းကနေ လာရတယ်။ ဆိုတော့ လမ်းမှာလည်း အစိုးရတပ်တွေက ရှိနေတော့ သူတို့လည်း များများဆေးတွေ မပို့နိုင်ဘူး။ အချိန်တွေကြာသွားတော့ ဆေးတွေက မလောက်ဘူးဖြစ်နေတယ်။" ဟု ပြောသည်။

ထို့အပြင် မိုးတွင်းကာလ မြစ်ချောင်းများမှ သောက်သုံးရေများကို ရေပိုက်များဖြင့် သွယ်၍ အသုံးပြုနိုင် သော်လည်း နွေရာသီ(နိုက်) မြစ်ချောင်းရေ ခမ်းခြောက်လာသည့်အတွက် ရေ အခက်အခဲ ဖြစ်လာကြောင်း ၎င်းက ဆက်ပြောသည်။

"ရေက အခုပွင့်လင်းရာသီဖြစ်လာတော့ နဂိုကယူနေတဲ့ ရေတွေက ခန်းသွားတော့ အခု ရေကြီးတဲ့ဘက် သွားယူရမယ်ဆိုလဲ ရေပိုက်က မလောက်တော့ အရမ်းခက်နေတယ်။"

"ဇ" ဒုက္ခသည်စခန်းတွင် လူဦးရေ ၂,၅၅၆ ဦး ခိုလုံလျက်ရှိပြီး ကူညီပေးသော အဖွဲ့ အစည်းများ လာရောက်ရန် လမ်းခရီး ကြမ်းသည့်အပြင် လုံခြုံရေး အခက်ခဲဖြစ်သည့် ဒေသဖြစ်သည်။

ဖေဖော်ဝါရီ ၇ ရက် မှ ၁၄ ရက်အထိ (၇) ရက်သားသမီး ဟောစာတမ်း

တနင်္ဂနွေ

ဖေဖေါ်ဝါရီလ ၇ ရက်မှ ၁၀ရက်နေ့အထ်ိကာလအတွင်းစိတ်ဗျာများနေမည် ။အလုပ်များနေမည် ။ခရီးယာယီတွေသွားရလိမ့်မည် ။ငွေကြေးကိစ္စများရှုပ်ထွေးတတ်သည်။အထင်လွဲခံရကိန်းရှိသည်။စက်ပစ္စ ည်းနှင့်ပတ်သက် ပြီးဝင်-ထွက်ကိန်းရှိသည်။ချစ် သူ အထင်လွဲ ခြင်းခံရမည်။ဖေဖေါ်ဝါရီလ ၁၁ရက် မှ၁၃ရက် အထိ ကာလ တွင်  အစစ အ ရာရာ အ ဆင် ပြေမည်။အလုပ်အကိုင်လည်း အဆင် ပြေမည်။ဝင်ငွေလည်း အဆင် ပြေမည်။အချစ်ရေးလည်းအဆင်ပြေပါ မည်။ကံကောင်းသောနေ့ရက်များဖြစ်ပါသည် ။

 

အကျိူးပေးသောနံပါတ်=၂၊ ၄၊ ၈ ။

အထူးဟော               - စဉ်းစားပြီးမှ ဆုံးဖြတ်ပါ။

ယတြာ           - တနင်္ဂနွေနေ့တွင်အုန်းသီး ဆံ၆ဆံဘုရားလှူပါ။

 

တနင်္လာ

 

ဖေဖော်ဝါရီလ ၇ရက်မှ ၁၀ရက်အတွင်း အတိုက်အခံတွေကြုံမည်။ မမျှော်လင့်သော ခရီးရောက်မည်။ မပေါင်းဖူးသော မိတ်ဆွေတွေ ကြုံမည်။ လက်ဆောင်၊ ဓာတ်ပုံတွေရ မည်။ စက်ပစ္စည်းချို့ယွင်းခြင်း၊ အဝယ်မှားခြင်း၊ အလိမ်ခံရခြင်းတို့ဖြစ်မည်။ ချစ်သူ (သို့) အိမ်ထောင်ဘက်နှင့်ရန်ဖြစ် မည်။ ပညာရေးဖြေဆိုပါက အမှတ်နည်းတတ်သည်။ ဖေဖော်ဝါရီလ ၁၁ရက်မှ ၁၃ရက်အတွင်း ကံကောင်းသည်။ ပညာရေးဖြေဆိုလျှင် အမှတ်ကောင်းမည်။ ထူးချွန်စွာအောင်မြင်မည်။ အခက်အခဲအတိုက်အခံတွေကျော်လွှား နိုင်မည်။ ရစရာငွေတို့ရမည်။ ပျော်ရွှင်သောခရီးလျှောက်ဖြစ်မည်။ ချစ်သူ(သို့) အ်ိမ်ထောင်ရေး အဆင်ပြေမည်။ ထိခိုက်အနာတရဖြစ်တတ်၍ ဂရုစိုက်ပါ။ အလုပ် အကိုင်နှင့်ပတ်သက်၍ သတင်းကောင်းကြားရမည်။ ထီထိုးပါ။ ထီပေါက်ကိန်းရှိသည်။

 

အကျိုးပေးဂဏန်း         - ၅၊ ၆၊ ၉။

အထူးဟော               - ကြိုးစားမှုအထူးအောင်မြင်မည်။

ယတြာ           - တနင်္လာနေ့နံနက်တွင် ကန်စွန်းညွန့်၁၅ညွန့် ဘုရားကပ်လှူပါ။

 

အင်္ဂါ

ဖေဖော်ဝါရီလ ၇ရက်မှ ၉ရက်အတွင်း စကားပြောဆင်ခြင်ပါ။ ရန်မြင်တယ်။ လူခင်ခြင်း စိတ်ဝမ်းကွဲမည်။ မိတ်ဆွေဟောင်း၊ ချစ်သူဟောင်း   နှင့်ပြန်တွေ့မည်။ ငွေကြေးပစ္စည်း ပျောက်တတ်၍ ဂရုစိုက်ပါ။ လူလိမ်၊ ငွေလိမ်ခံရမည်။ စက်ပစ္စည်းနှင့် ပတ်သက်၍ ဝင်၊ ထွက်မည်။ ခရီးဝေးထွက်ဖြစ်မည်။ ဖေဖော်ဝါရီလ ၁၀ရက်မှ ၁၃ ရက်အတွင်း သင်၏ ကောင်းသတင်းကြားရမည်။ လက်ဆောင်ရမည်။ အချစ်ရေးထပ်၍ အဆင်ပြေမည်။ ချစ်သူ ချိန်းတွေ့မည်။ လက်ထပ်မင်္ဂလာမြင်သည်။ ငွေဝင်မည်။ ကား၊ စက်၊ မြေတို့ ဝင်၊ ထွက်မည်။ အလုပ်အဆင်ပြေမည်။ အင်တာဗျူး၊ ပညာရေးအောင်မြင်မည်။

 

အကျိုးပေးဂဏန်း         - ၃၊ ၄၊ ၅။

အထူးဟော               - ကံကောင်းမည်။

ယတြာ           - အင်္ဂါနေ့တွင် အုန်းဆွမ်းဘုရားကပ်ပါ။

 

ဗုဒ္ဒဟူး

ဖေဖော်ဝါရီလ ၇ရက် ၈ရက် တွင်စိတ်မြန်ကိုယ်မြန် ပျာယီးပျာယာမလုပ်ပါနှင့် ခိုက်မိ တတ်သည်။ ပစ္စည်းပျောက်တတ်သည်။ ချစ်သူအထင်လွဲခံရမည်။ ကား၊ ဆိုင်ကယ် ကြည့်မောင်းပါ။ ဂရုစိုက်ပါ။ ၉ရက်နှင့် ၁၀ ရက်တွင် နှုတ်မှ လွယ်လွယ်ကတိမပေးနှင့် ကတိပျက်လျှင်မုန်းရတတ်သည်။ ဆောင်ရွက်မှုလေးတွေအောင်မြင်မည်။ မိဘသားချင်း အရေးတွေလုပ်ဆောင်ပေးရမည်။ ကျန်းမာရေးကောင်းနေမည်။ စာမေးပွဲဖြေဆိုမှု၊ အင်တာဗျူး အောင်မည်။ ၁၁ ရက်မှ ၁၃ ရက်အတွင်း ဆန္ဒစောမှုတွေဖြစ်နေ တတ်သည်။ ပြန်ပြီးလုပ်ရတတ်သည်။ လျှပ်စစ်နှင့် စက်ကိရိယာ ဂရုစိုက်ကိုင်တွယ်ပါ။ ရေလမ်းခရီး မသွားသင့်ပါ။ ဝင်ငွေထက် ထွက်ငွေကြမ်းမည်။

 

အကျိုးပေးဂဏန်း         - ၄၊ ၉၊ ၆။

အထူးဟော               - အောင်မြင်မည်။

ယတြာ           - ဗုဒ္ဒဟူးနေ့ ရေသက်စေ့ဘုရားကိုလှူပါ။

 

ကြာသပတေး

ဖေဖော်ဝါရီ ၇ရက်မှ ၁၀ရက်အတွင်း အလုပ်တွေများနေမည်။ တချို့လုပ်ငန်းအဆင်ပြေ သော်လည်း တချို့လုပ်ငန်းမပြီး မပြတ်ဖြစ်နေ မည်။ မိတ်ဆွေသစ်တွေ့မည်။ အဝေးက ချစ်သူနှင့်တွေ့ရမည်။ အလုပ်တူ ကိုင်ဖက်၏ အကောင်းမထင် မလိုမှုတွေပြုလိမ့်မည်။ ခရီးဝေးယာယီတွေရောက်မည်။ ဖေဖော်ဝါရီ ၁၀ရက်မှ ၁၃ရက်အတွင်း စွန့်စားမှုပြုရ တတ်သည်။ အောင်မြင်မှုရမည်။ သို့သော် ငြိုငြင်မှု၊ အပြစ်တင်မှု မလွတ်တတ်ပါ။ ချစ်သူရဲ့ အထင်လွဲခြင်းခံရမည်။ ပြန်ပြေလည်မည်။ ဆွေမျိုးသားချင်းအတွက်စိတ်ရှုပ် ရတတ်သည်။

 

အကျိုးပေးဂဏန်း         - ၅၊ ၇၊ ၂။

အထူးဟော               - ကံကောင်းမည်။

ယတြာ           - ကြာသပတေးနံ ဘုရားကို ကြာသပတေးနေ့နံနက်တွင် အောင်သပြေ ၁၉ညွန့် ကပ်လှူပါ။

 

သောကြာ

 

ဖေဖော်ဝါရီ ၇၊ ၈၊ ၉ ရက်တို့တွင် လှုပ်ရှားသွားလာမှုလုပ်ငန်းစတင်မှု၊ စာမေးပွဲဖြေဆိုမှု တို့အင်တာဗျူးတို့ အောင်မြင်မည်။ ခြေ ၁ဖက်၊ လက်၁ဖက် ခိုက်မိတတ်၍ ဂရုစိုက်ပါ။ ဝမ်းဗိုက်နာခြင်း၊ ဝမ်းပျက်တတ်ခြင်းဖြစ်တတ်၍ ဂရုစိုက်ပါ။ အချစ်ရေးမှာ ၂ယောက်ဖြစ် လာမည်။ အားနာတတ်သော သင့်အတွက် အခက်ကြုံနေမည်။ ဖေဖော်ဝါရီ ၁၀ရက်မှ ၁၃ ရက်အတွင်း ခရီးသွားရန် အကြောင်းမရှိပဲ အကြောင်းရှာ၍ ထွက်ဖြစ်မည်။ ချစ်သူ၏ အထင်လွဲမှားမှုဖြစ်မည်။ သင်၏ လိမ်ညာမှုများပေါ်ကုန်မည်။ ကြီးသူ ၁ဦးချူချာမည်။ မရောက်ဖူးသောခရီးတွေရောက်မည်။

 

အကျိုးပေးဂဏန်း         - ၆၊ ၇၊ ၈။

အထူးဟော               - အောင်မြင်မည်။

ယတြာ           - သောကြာနံဘုရားကို သစ်သီး ၉လုံးကပ်လှူပါ။

 

စနေ

ဖေဖော်ဝါရီ ၇ရက်မှ ၁၀ရက်အတွင်း ကိုယ့်အတွက်ရော သားချင်းအတွက်ရော၊ အပေါင်းအသင်းအတွက်ရော အလုပ်များနေမည်။ ခရီးများနေမည်။ လှုပ်ရှားမှုတွေ ဖြစ် နေမည်။ ဆန္ဒမစောသင့်ပါ။ သေးငယ်သောအလုပ်တစ်ခုကို သင်စတင်တည်ထောင်ဖြစ် မည်။ ကြီးမားစွာအောင်မြင်မှုမုချ ရပါလိမ့်မည်။ ကိုယ်ပိုင်အလုပ်၊ ရှယ်ယာအလုပ်လုပ် ဖြစ်မည်။ ဝန်ထမ်းလျှောက်ခြင်းမှ အလုပ်တစ်ခုအင်တာဗျူး အောင်မြင်မည်။ အချစ်ရေး အဆင်ပြေမည်။ အဝေးက မိတ်ဆွေသူငယ်ချင်းတို့နှင့် ပြန်ဆုံမည်။ လုပ်ငန်း၂မျိုးလုပ် ဖြစ်မည်။ ဖေဖော်ဝါရီ ၁၁ ရက်မှ ၁၃ရက်အတွင်း သင့်ဆန္ဒတွေအားလုံး မုချအောင်မြင် မည်။ ခရီးယာယီတွေများမည်။ စွန့်စားမှုနှင့် စူးစမ်းမှုတို့ အဆင်ပြေမည်။ စက်၊ ပစ္စည်း တို့ ဝင်မည်။ လုပ်ဆောင်ချက်တွေအားလုံးအောင်မြင်မည် ။ ပြောဆိုဆက်ဆံမှုများ အဆင်ပြေမည်။

အကျိုးပေးဂဏန်း         - ၇၊ ၉၊ ၁။

အထူးဟော               - အဆင်ပြေအောင်       မြင်မည်။

ယတြာ           - စနေနံဘုရားကို စနေနေ့နံနက်တွင် ရွက်လှ ၁၇ညွန့် ကပ်၍ လိုရာဆုပန်ပါ။


အဘွားအိမ် လုပ်ချင်တာလုပ်မယ်ဟု ပြောက လူသတ်မှုဖြစ်ပွား